L' agricolo

Quel mona de 'n gal anca sta matina
l'è 'l primo a levar ensema ala Gina
a volte me domanda chi che me lo fa far
levar a ste ore per nar a zapar
podevo prova a far domanda en comun
levar ale dese senza dirghelo a nesun
enveze mi fisceto per i campi con amor
scusame per l'odor son el Dario Folador
col casin che gh'è a sto mondo ve 'l digo de sicur
el mister che fago l'è 'l laoro del futur

son l'agricolo

monzo zapo e aro finché fa scur
tanto co la Gina no se ciula de sicur
vardo fora el zel che bel dì che sarà
vago for descolz na boaza ho pestà
l'è dela Brunela che no la 'mparà
a farla en la gamela come g'ho'nsegnà
col casin che ghè a sto mondo ve 'l digo de sicur
el mister che fago l'è 'l laoro del futur

son l'agricolo

vago zo 'n la stala e empizo el trator
taco l'autoradio e l'amplificator
'scolto la radio quela del Santini
sbara for monade come fusa balini
cazo dent la prima e molo la frizion
sgomo sul giarin e faro su en rebalton
g'ho 'l motor trucà quando 'l parte 'l fa na gheba
paso fora i campi come fusa na sgeva
g'ho fat su na bandera come quei de Azard
perché sora ai dosento a mi me pias viazar...d
vegno for dal finestri ei pensa che son ciuk
ancor no i ha capì che fago come Bo e Liuk
col casin che ghè a sto mondo ve 'l digo de sicur
el mister che fago l'è 'l laoro del futur

son l'agricolo

pò na volta a l'an vago zo 'n zità
l'an pasà de san Giusepe en porzel me son comprà
l'è stà 'n casin a farlo star en la coriera
maledeta quela volta che son na ala fera
arivo per la zena son propri famà
vardo en la scudela cossa che l'ha cosinà
el savevo anca sta sera se magna fasoi
pò la se lamenta se ghe sbrego i ninzoi

son l'agricolo