L'osel
vietato ai minori

l'è ora e l'è tempo de parlar anca de quel
e dir na parola sincera su l'osel
su questo sior modesto e fecondo
che l'è la creatura pù viva del mondo
l'osel siori, metevelo en testa
l'è n drito, l'è furbo, l'è sempre de festa
se tute le parti del corpo laora,
lu no 'l fa gnent, el manda tuti en malora
i brazi fadiga, camina i pei, le gambe pedala, buta i cavei
i denti smartela, bate 'l cor,
lu l dis "se ciava" mi fago l'amor
el dorme beato nel so bel boscheto
ma pò 'l se desmisia nel caldo del leto
e chi 'l se trasforma, l'è pronto e sicuro
el leva, fa 'l gallo, l'è forte, l'è 'n duro
el parte de anda, l'è 'n treno che tira,
l'è come 'n trator che va a tuta bira
pasa momenti da far impazir
po dopo 'l se cucia tornando a dormir
bison pur dirlo, l'è quasi perfeto
'l gha tanti pregi e gnanca 'n difeto
el zuga, el pisa, lu mai l se lagna
no 'l canta, no 'l sona, no 'l beve, no 'l magna
l'è sempre de moda, no 'l dis busie,
no 'l leze, no 'l pensa, no 'l scrive poesie
en tut el mondo 'l gha la so fama
ades ve digo come i lo ciama
da Trent a Verona, per quel che so mi
l'osel i lo ciama de speso cos'
el bigol, el biri, el trapen, la bega,
el palo el fong, el bazilon, la tega
la stanga, el batocol, el tubo, el cicin,
la cana, el pendol, el bel pistolin
el manec, el figo, el ciucio, el penel,
ma 'l pu conossù resta l'osel!
me scuso per i nomi che forsi i è tanti,
ma ancor per tre ore poderia nar avanti
e so che ogni dì i ne 'nventa de novi,
che pu te 'n zerchi e pu te 'n trovi
lasan da parte la cronaca pura,
per dir che le cose pu bele no le dura
pasa i ani el tempo 'l vola
el deventa vecio e qualcosa se smola
qualcosa suzede, qualcosa no va
el vol star su drito ma no 'l ghe la fa pu
a ciacole 'l dis che 'l fa tut lu
ma dopo na bota no 'l ghe la fa pu
suzede ogni tanto che 'l gha n'impenada
el parte deciso, ma 'l resta per strada
te credi che 'l pianza, le lagrime 'l spande
ma l'e 'na pisada nele mudande
ormai l'è ale corde, l'è 'n toco de giazo
e chi bison dirlo, no 'l val propri en cazo!